ఉత్తరాఖండ్లోని ఉత్తరకాశీ జిల్లాలో ట్రెక్కర్లు తప్పిపోయిన ఘటనలో మృతుల సంఖ్య తొమ్మిదికి పెరిగింది. సహాయక చర్యలు వరుసగా రెండో రోజు కొనసాగుతున్నాయి. ఇప్పటి వరకు 13 మంది ట్రెక్కర్లను రక్షించారు, అయితే కేవలం ఐదు మృతదేహాలను మాత్రమే స్వాధీనం చేసుకున్నట్లు అధికారులు తెలిపారు.
జూన్ 4న కర్నాటకకు చెందిన 18 మంది, మహారాష్ట్రకు చెందిన ఒకరు, ముగ్గురు స్థానిక గైడ్లతో కూడిన 22 మంది ట్రెక్కర్ల బృందం సహస్త్ర తాల్కు వెళ్లే మార్గంలో కనిపించకుండా పోవడంతో కష్టాలు మొదలయ్యాయి. విపరీతమైన వాతావరణ పరిస్థితుల కారణంగా ట్రెక్కర్లు ఉత్తరకాశీ-తెహ్రీ సరిహద్దులో 15,000 అడుగుల ఎత్తులో ఉన్న కొండపై చిక్కుకుపోయారు.
