రెమల్ తుఫాన్ ప్రభావంతో కురిసిన భారీ వర్షం, ఉరుములు మిజోరంతో సహా ఈశాన్య రాష్ట్రాలను అల్లకల్లోలం చేసింది. దీని ప్రభావంతో రాష్ట్రాల్లో 37 మంది మరణించారు. ఇంకా డజన్ల కొద్దీ కనిపించలేదు. వర్షాలకు ఇళ్లు ధ్వంసం కావడం, విద్యుత్ లైన్లు నేలకూలడంతో వందలాది మంది సహాయక శిబిరాల్లో తలదాచుకోవాల్సిన పరిస్థితి ఏర్పడింది. మిజోరాం ఈ ప్రాంతంలో అత్యధికంగా దెబ్బతిన్న రాష్ట్రం.
రెమల్ తుఫాను మిజోరాం రాజధాని ఐజ్వాల్లోని మెల్తుమ్, హ్లిమెన్, ఫాల్కౌన్ మరియు సేలం వెంగ్ ప్రాంతాల్లో 27 మంది ప్రాణాలు కోల్పోయారని రాష్ట్ర ప్రభుత్వం ఒక ప్రకటనలో తెలిపింది. సహాయక బృందాలు ఇప్పటివరకు 27 మంది మృతదేహాలను వెలికితీశారని నగరంలో శోధన, రెస్క్యూ కార్యకలాపాలు కొనసాగుతున్నందున మృతుల సంఖ్య పెరిగే అవకాశం ఉందన్నారు. ముఖ్యమంత్రి లాల్దుహోమ మృతులకు రాష్ట్ర విపత్తు సహాయ నిధి కింద రూ. 15.4 కోట్ల ఎక్స్గ్రేషియా ప్రకటించారు.
