రాజ శ్యామల యాగం చేపట్టిన టీడీపీ అధినేత…

తెలుగు దేశం పార్టీ అధినేత చంద్రబాబు నాయుడు నివాసంలో శుక్రవారం రాజ శ్యామల యాగం చేపట్టారు. నేటి నుంచి మూడు రోజుల పాటు ఈ యాగం జరగనుందని తెలిపారు. ఇందులో భాగంగా మొదటి రోజు జరిగిన పూజా కార్యక్రమాలు, యాగ క్రతువులో చంద్రబాబు నాయుడు, భువనేశ్వరి పాల్గొన్నారు. ఈ యాగ నిర్వహణలో 50 మంది రిత్వికులు పాల్గొన్నారు. రాజ శ్యామల యాగంలో భాగంగా మూడు రోజుల పాటు పలు రకాల పూజలు, క్రతువులు నిర్వహించనున్నట్లు ఆయన తెలిపారు. ఆదివారం పూర్ణాహుతి తో యాగం ముగియనుందని తెలిపారు.