గౌతమ్ గంభీర్ త్వరలో జట్టుకు కొత్త ప్రధాన కోచ్గా తన మొదటి అసైన్మెంట్ను ప్రారంభించనున్నందున భారత క్రికెట్ కొత్త శకానికి నాంది పలికింది. మెన్ ఇన్ బ్లూ మూడు టీ-20 లు తర్వాత మూడు వన్డేల్లో పాల్గొనేందుకు శ్రీలంకకు వెళ్లేందుకు సిద్ధంగా ఉన్నట్లు ప్రకటించారు. ఫిబ్రవరిలో పాకిస్తాన్లో జరగనున్న ఐ.సీ.సీ. ఛాంపియన్స్ ట్రోఫీ 2025 కోసం సన్నాహకాలను ప్రారంభించినందున ODI సిరీస్ భారతదేశానికి చాలా ముఖ్యమైనదని చెప్పవచ్చు. టోర్నీకి ముందు ఇది చివరి వన్డే సిరీస్ మాత్రమే.
టీ-20 ప్రపంచ కప్ 2024 విజయం తర్వాత రోహిత్ శర్మ ఈ సిరీస్ నుండి విశ్రాంతి తీసుకోనున్నట్లు నివేదించిన విషయం తేలిసిందే. అయితే అతను తిరిగి రావడానికి సిద్ధంగా ఉన్నట్లు తెలుస్తోంది. క్రిక్బజ్ నివేదిక ప్రకారం… శ్రీలంకతో వన్డే సిరీస్ ఆడేందుకు రోహిత్ శర్మ అందుబాటులో ఉండవచ్చని కొన్ని సూచనలు ఉన్నాయి. 2025 ఛాంపియన్స్ ట్రోఫీకి ముందు కేవలం 6 ODI గేమ్లు మిగిలి ఉన్నాయి. ఇందులో శ్రీలంకతో మూడు ODIలు, జనవరిలో ఇంగ్లాండ్తో మూడు ODI లు ఉన్నాయి. అందుకే, ప్రధాన ఐ.సీ.సీ. టోర్నీకి ముందు రోహిత్ కొంత ప్రాక్టీస్ చేయాలనుకుంటున్నట్లు తెలిపారు.
