ఎన్ఫోర్స్మెంట్ డైరెక్టరేట్ దరఖాస్తును ఢిల్లీ హైకోర్టు అనుమతించి, మనీలాండరింగ్ కేసులో ఢిల్లీ ముఖ్యమంత్రి అరవింద్ కేజ్రీవాల్కు బెయిల్ మంజూరు చేస్తూ జూన్ 20న ట్రయల్ కోర్టు ఇచ్చిన ఉత్తర్వులపై స్టే విధించింది. స్టే విధించిన కొన్ని గంటల తర్వాత ఢిల్లీ ఎక్సైజ్ పాలసీ కేసులో సీ.బీ.ఐ. అతడిని అరెస్టు చేసేందుకు కారణాలను సిద్ధం చేసింది. తీహార్ జైలులో ఉన్న కేజ్రీవాల్ను సీ.బీ.ఐ. ప్రశ్నించింది. మార్చి 21న అరెస్టు చేసిన ఈ.డీ. అతని కస్టడీ కోసం బుధవారం ఢిల్లీ కోర్టును ఆశ్రయించనున్నట్లు వర్గాలు తెలిపాయి.
అదిలా ఉండగా సీ.ఎం. అరవింద్ కేజ్రీవాల్కు సుప్రీంకోర్టు నుండి బెయిల్ లభించే అవకాశం ఉన్నప్పుడే బీ.జే.పీ. నేతృత్వంలోని కేంద్రం సీ.బీ.ఐ. తో కలిసి కుట్ర పన్నిందని, తప్పుడు కేసు పెట్టి అతడిని అరెస్టు చేసిందని ఆప్ రాజ్యసభ ఎం.పీ. సంజయ్ సింగ్ ఆరోపించారు. దేశం మొత్తం ఈ నేరాన్ని కేంద్రం చేసిన దారుణాన్ని చూస్తోందని అన్నారు.
