కేరళలో నాలుగు జిల్లాలకు ఐ.ఎం.డీ. రెడ్ అలర్ట్…

కేరళా రాష్ట్రంలోని పతనంతిట్ట, అలప్పుజ, కొట్టాయం, ఇడుక్కి జిల్లాల్లో మంగళవారం వరకు భారత వాతావరణ శాఖ రెడ్ అలర్ట్ ప్రకటించింది. దీనితో కేరళ అప్రమత్తమైంది. ఈ జిల్లాల్లో 204.4 మి.మీ కంటే ఎక్కువ భారీ వర్షపాతం నమోదయ్యే అవకాశం ఉందని తెలిపింది. మరోవైపు తిరువనంతపురం, కొల్లం, ఎర్నాకులం జిల్లాల్లో బుధవారం వరకు ఆరెంజ్ అలర్ట్ ప్రకటించారు. ఈ జిల్లాల్లో బుధవారం వరకు 115.6 నుంచి 204.4 మిల్లీమీటర్ల వర్షపాతం నమోదయ్యే అవకాశం ఉన్నట్లు వెళ్లడించింది. బుధవారం వరకు రాష్ట్రంలోని కొన్ని ప్రాంతాల్లో భారీ నుంచి అతి భారీ వర్షాలు కురిసే అవకాశం ఉందని ఐ.ఎం.డీ. అంచనా వేసింది.