ఆ పార్టీ జాతీయ కన్వీనర్, ఢిల్లీ ముఖ్యమంత్రి అరవింద్ కేజ్రీవాల్ను సీ.బీ.ఐ. అరెస్టు చేయడాన్ని నిరసిస్తూ అధికార ఆమ్ ఆద్మీ పార్టీ నేతలు శనివారం జలంధర్లో నిరసన చేపట్టారు. ఈ.డీ., సీ.బీ.ఐ. లను దుర్వినియోగం చేస్తూ కేజ్రీవాల్ను ట్రాప్ చేసేందుకు బీ.జే.పీ. ప్రయత్నిస్తోందని ఆరోపిస్తూ… కేంద్రానికి వ్యతిరేకంగా నినాదాలు చేస్తూ బీ.జే.పీ. నేతృత్వంలోని ఎన్డీఏ ప్రభుత్వానికి వ్యతిరేకంగా రాష్ట్ర ఆప్ నేతలు ప్రదర్శన నిర్వహించి ప్రధాని మోదీ దిష్టిబొమ్మను దహనం చేశారు. రాష్ట్రవ్యాప్తంగా ఉన్న డజన్ల కొద్దీ ఆప్ ఎమ్మెల్యేలు, మంత్రులు, ఎం.పీ. లు, పార్టీ కార్యాలయ సిబ్బంది, పెద్ద సంఖ్యలో కార్యకర్తలు నిరసనలో పాల్గొన్నారు. జలంధర్ వెస్ట్ అసెంబ్లీ ఉప ఎన్నికకు ఆప్ అభ్యర్థి మొహిందర్ భగత్ కూడా నిరసనలో పాల్గొన్నారు.
కేజ్రీవాల్ అరెస్టుకు వ్యతిరేకంగా జలంధర్లో నిరసన…
