పంజాబ్ మాజీ ముఖ్యమంత్రి అమరీందర్ సింగ్ రాజీనామా తర్వాత కాంగ్రెస్ పార్టీకి చెందిన పలువురు స్థానిక నాయకులు మంగళవారం చండీగఢ్లోని పంజాబ్ కాంగ్రెస్ భవన్లో తిరిగి పార్టీలో చేరారు. పంజాబ్ కాంగ్రెస్ చీఫ్ అమరీందర్ సింగ్ రాజా వారింగ్, ప్రతిపక్ష నేత ప్రతాప్ సింగ్ బజ్వా సమక్షంలో నేతలు పార్టీలో చేరినట్లు ఏ.ఎన్.ఐ. నివేదించింది.
నవంబర్ 2021లో, కెప్టెన్ అమరీందర్ సింగ్ కాంగ్రెస్ నుండి వైదొలిగారు. పార్టీని వీడే ముందు అప్పటి కాంగ్రెస్ చీఫ్ నవజ్యోత్ సింగ్ సిద్ధూతో అధికార పోరు మధ్య పంజాబ్ సీ.ఎం. పదవికి కూడా రాజీనామా చేశారు. వారిని తిరిగి పార్టీలోకి స్వాగతిస్తూ.. వారి రాక గ్రాండ్ ఓల్డ్ పార్టీని బలోపేతం చేస్తుందని భాజపా అన్నారు. మరోవైపు పంజాబ్ పోలీసు మాజీ అదనపు డైరెక్టర్ జనరల్ గురీందర్ సింగ్ ధిల్లాన్ కూడా ఢిల్లీలో పార్టీ సీనియర్ నేతల సమక్షంలో కాంగ్రెస్లో చేరారు.
ఇటీవలే పంజాబ్ పోలీసు నుంచి స్వచ్ఛంద పదవీ విరమణను ఎంచుకున్న ధిల్లాన్ తన భార్యతో కలిసి కాంగ్రెస్లో చేరారు. ఈ సందర్బంగా ఆయన మాట్లాడుతూ… నేను పోలీసు అధికారిగా రెండు దశాబ్దాలుగా నా రాష్ట్రానికి సేవ చేశాను. ఈ రోజు రాహుల్ గాంధీ జీ ఆశీర్వాదంతో ఇక్కడకు వచ్చానని ధిల్లాన్ను ఉటంకిస్తూ పిటిఐ పేర్కొంది.
