ఢిల్లీ లెఫ్టినెంట్ గవర్నర్ వీకే సక్సేనా కార్యాలయం, ముఖ్యమంత్రి అరవింద్ కేజ్రీవాల్ సహా అధికార ఆప్ నేతల మధ్య శుక్రవారం అర్థరాత్రి తీవ్రస్థాయి మాటల యుద్ధం జరిగింది. ఢిల్లీలోని ఏడు లోక్సభ నియోజకవర్గాలకు శనివారం ఓటింగ్ జరుగుతున్నప్పుడు ప్రజలను ఇబ్బంది పెట్టేందుకు, పోలింగ్ ప్రక్రియను దెబ్బతీసేందుకు ఒకరి ప్రణాళిక మరొకరు ఆరోపిస్తున్నారు. ఆప్ మంత్రి అతిషి మాట్లాడుతూ… ఈరోజు ఢిల్లీ లెఫ్ట్నెంట్ గవర్నర్ ఢిల్లీ పోలీసులను ఆయా ప్రాంతాల్లో ఓటింగ్ను మందగించాలని ఆదేశించినట్లు సమాచారం అందిందని అన్నారు.
పెద్ద సంఖ్యలో ఇండియా బ్లాక్ ఓటర్లు ఉన్న చోట ప్రజలు తమ ఓటు వేయడంలో ఇబ్బందులు ఎదుర్కొంటారన్నారు. బీ.జే.పీ. ని గెలిపించేందుకు ప్రభుత్వం చేసే ఏ ప్రయత్నమైనా చట్టవిరుద్ధం, అప్రజాస్వామికం మరియు రాజ్యాంగ విరుద్ధం అని తెలిపారు. ఎన్నికల సంఘం దీనిని పరిగణలోకి తీసుకుంటుందని, అలాంటి ప్రయత్నాలను ఆపుతుందని నేను ఆశిస్తున్నానన్నారు. దీనిపై కేజ్రీవాల్ తీవ్ర స్థాయిలో స్పందించారు.
